a bainbod tals
Dis da cultura da Samedan
2018

Il festival da teater in Engiadina

Grazcha fich per la visita da nossa pagina DRAUFF per ils DIS DA CULTURA DA SAMEDAN. 

2016 ho la societed DIS DA CULTURA, apposta fundeda per quist motiv, surpiglio l'organisaziun dals DIS DA CULTURA DA SAMEDAN (ufficielmaing delibero da l'oblig dal pajamaint d'impostas / Steuerbefreiung).
DRAUFF metta inavaunt gugent a disposiziun sia pagina d'internet. Dal 2018 dess que der üna nouva pagina, ma già cha bgera lavur es lavur voluntaria vo tuot ün mielin pü plaun, ma l'essenciel es cha que giaja adüna inavaunt.

Idea conzeptuela es que da pudair mantegner ils predschs d'entreda bumarchos, que scu promoziun da la cultura ed eir per creer üna atmosfera degna per noss artists.

Sch'Els haun il giavüsch da sustgnair noss iffaunt culturel, schi paun Els s'anunzcher suot seguaint link per ulteriuras informaziuns a reguard donaziuns: http://www.drauff.ch/kontakt/
(Tres nossa deliberaziun da las impostas /Steuerefreiung/ sun eir las donaziuns deliberedas da las impostas.)

Fotografias dals Dis da cultura da Samedan 2017

La sted in Engiadina offra ün‘atmosfera unica per gös suot tschêl aviert. E quists haun gieu lö immez nossa vschinauncha, Samedan, dals 10 als 12 avuost 2017 sülla plazza davaunt l'istorica Chesa Planta. 

La societed DIS DA CULTURA scu organisatura ufficiela dals dis da cultura es fich gratta a tuot ils agüdaunts, sponsuors e collavuratuors. Sainza els nu füss que pussibel d'organiser ün tel evenimaint.

Grazcha fich per Lur visita!


 
 

PARTENARI MEDIAS: POSTA LADINA

PARTENARI TECHNIC: MPC MUSIC PRODUCTION CENTER

ULTERIURS SPONSORS/PARTENARIS:
 BONER STIFTUNG FÜR KUNST UND KULTUR
LIA RUMANTSCHA - FUNDAZIUN TERRAFINA - FORUM ENGADIN - FUNDAZIUN DE PLANTA
HOTEL RESTAURANT CROCE BIANCA SAMEDAN



Infurmaziuns davart ils Dis da cultura da Samedan 2018

Il comitee d'organisaziun dals Dis da cultura da Samedan s'allegra fich da pudair anunzcher cha'ls Dis da cultura da Samedan 2018 (dals 9 als 12 avuost) sun già in planisaziun. Ma que do auncha dapü motiv per allegria e que per causa dals nouvs chôs ill' organisaziun. Lur lavur as concretisescha düraunt ils prossems mais.

Be cun l’acconsentimaint da la Fundaziun de Planta es que pussibel da fer adöver da la Chesa Planta scu culissa e part da las inscenaziuns. Ün cordiel grazcha fich als respunsabels! Eir a la vschinauncha da Samedan tuocha ün sincer ingrazchamaint. Sainza l’agüd da la gruppa tecnica e da las instanzas cumünelas füss que impussibel da realiser ün festival suot tschêl aviert immez la vschinauncha. Ed in speciel vulessans ingrazcher a tuot noss sponsuors, supporters e fautuors, grazcha als quêls nus pudains cuntinuer cun nos festival culturel.

Da pudair giodair l’atmosfera unica davaunt la venerabla Chesa Planta es ün evenimaint inschmanchabel ed excepziunel taunt pels spectatuors scu pels artists. Nus ans allegrainsa specielmaing da festager noss 5evel anniversari cun Vus.

Ch’Els s’allegran eir Els cun nus sün ün’animaziun allegraivla da nossa vschinauncha tres ün program artistic vario, puncts culminants e natürelmaing sün ün grandius public! 


Reservaziun

PÜR PUSSIBEL A PARTIR DA GÜN 2018

Reservaziuns / bindels d’entregia da survgnir aunz las rapreschantaziuns tar la chascha u tar Samedan Tourist Inormation.

Tel.: 081 851 00 60 (las plazzas NU sun numeredas)

Cuosts
per singulas rapreschantaziuns: Fr. 25.— (iffaunts fin 12 ans per part gratuit, per part CHF 10.--)
concert: CHF 15.--

Retrospectiva

> DIS DA CULTTURA 2017

> DIS DA CULTURA 2016

> DIS DA CULTURA 2015

> DIS DA CULTURA 2014