PROGRAM 2017


GÖVGIA, ILS 10 AVUOST 2017 - SAIREDA RUMAUNTSCHA

AVERTÜRA A LAS 20.00

IN SEGUIT:
"ILS MISTERIS DA LAS VALS MUNTAGNARDAS"

da la Societed dramatica da Samedan cun partecipaziun professiunela

„Ils misteris da las vals muntagnardas“ es ün’adattaziun dad Andrea Gutgsell dal töch „Das Vermächtnis von Glenloch Manor“ da Reiner Hammeran.

In quista cumedgia istorica dess la chesa signurila Glenloch Manor (ill’adattaziun la Chesa Planta) dvanter ün’attracziun turistica. Üna guida vain tschercheda. Anna Barbla surpiglia quista plazza, ma stu constater cha que nu do üngüna attracziun in quista chesa. Ella invainta ün’istorgia e riva a listess mumaint da schoglier ün vegl misteri.

Andrea Gutgsell ho adatto quist töch a la situaziun da la Chesa Planta e da l’Engiadin’Ota. Chatrina ed Andrea Urech haun pissero per la traducziun in rumauntsch.

L’an passo es que gratagio a la Societed dramatica da Samedan da salver dal schoglimaint la societed e da recruter ad ün pêr commembers giuvens da la regiun. Cotres es per intaunt garantida la tradiziun dal teater rumauntsch a Samedan. ÜN GRAND PLASCHAIR!

Gövgia, ils 10 avuost 2017 / a las 20.00 / aviert a partir da las 19.30 /
entreda: CHF 25.-; iffaunts fin 12 ans: CHF 10.-

Reservaziuns: Samedan Tourist Information, tel. 081 851 00 60


VENDERDI, ILS 11 AVUOST 2017 – MUSICA E SOT

ENGATONE

A LAS 19.45

Engatone es ün quintet da chaunt giuven suot la direcziun da Werner Steidle. L’ensemble cun Lena Waack, Valeria Steidle, Sabrina Steidle, Adriano Caflisch e Gian Andri Janett es naschieu dal giavüsch da chanter e fer musica insembel. Lur marca caracteristica es il plaschair da la musica, dal chaunt cumünaivel – e quel plaschair es udibel e visibel düraunt las rapreschantaziuns. Lur repertori crescha adüna inavaunt e cumpiglia ils pü differents stils da musica.

Engatone – vuschs da l’Engiadina!

Venderdi, ils 11 avuost 2017 / a las 19.45 / aviert a partir da las 19.30 /
entreda: CHF 15.- (be concert), CHF 35.- (incl. performance da sot chi segua);
iffaunts fin a 12 ans sun invidos cordielmaing da la societed DIS DA CULTURA.

Reservaziuns: Samedan Tourist Information, tel. 081 851 00 60

 
_Z8A1373.jpg

MITUS

A LAS 20.45

Quista performance da sot interdisciplinara es gnida insceneda aposta pels Dis da cultura da Samedan da Myriam Gurini. Ella rapreschainta ün viedi dals sens in tschercha da las essenzas da mitus vegls e nouvs, da rituels e da dogmas. Ün’istorgia, sviluppeda e quinteda, giuveda e suteda da Myriam Gurini, Anna Heinimann, Silvan Buess, Lorenzo Polin e Michael Boner (musica).

 

Venderdi, ils 11 avuost 2017 / a las 21.00 / aviert a partir da las 20.45 /
entreda: CHF 15.- (be performance), CHF 35.- (incl. concert precedaint);
iffaunts fin a 12 ans sun invidos cordielmaing da la societed DIS DA CULTURA.

Reservaziuns: Samedan Tourist Information, tel. 081 851 00 60


SANDA, ILS 12 AVUOST 2017 – LECTÜRA E COMEDY

 

Arno Camenisch by Janosch Abel.png

ARNO CAMENISCH PRELEGIA

A LAS 16.00


L'autuor e performatuor Grischun, Arno Camenisch, prelegia our da sia nouva ouvra «Die Launen des Tages» ed our da sieus texts "spoken word" - istorgias fras-chas, lustigas e scurillas our da la vita chi tuochan directamaing il cour.
E culla listessa originalited cha Camenisch ho creand sieus texts e sia lingua da purtrets, prelegia el eir sieus texts - in sieu unic melancolic-umoristic «Camenisch-Sound»

Accumpagnamaint musical: Roman Nowka.
 

Organiso da nos partenari tecnic MPC music production center.

Sanda, ils 12 avuost 2017 / a las 16.00 / aviert a partir da las 15.30 /
entreda: CHF 20.-; iffaunts fin 12 ans: CHF 10.-

Reservaziuns: Samedan Tourist Information, tel. 081 851 00 60

 

CLAUDIO ZUCCOLINI:

„WARUM?“

A LAS 20.30

Perche ho sieu nouv program nom „Perche?“ Perche cha Claudio Zuccolini fo quellas dumandas cha bgers haun, ma ch’üngün nu fo. Cur ch’el dumandaiva d’iffaunt: „Perche?“, survgniva’l adüna la resposta: „Perche da schi!“ Quists temps sun passos. Zucco tschercha respostas – e chatta pointas.

Sur 35'000 persunas haun vis sieu ultim program „iFach Zucco“ e d’eiran inchantedas. La NZZ ho scrit: „Turno e meglder cu mê“. Perche? Perche cha Zucco riva daspö ans da fasciner al public cun sias observaziuns dal minchadi. Uschè eir in sieu 5evel e nouv program.

 

Sanda, ils 12 avuost 2017 / a las 20.30 / aviert a partir da las 20.00 /
entreda: CHF 25.-; iffaunts fin 12 ans: CHF 10.-

Reservaziuns: Samedan Tourist Information, tel. 081 851 00 60