Ün Baccun cultura / by Andrea Somazzi

L’uschedit retorumauntsch dal Grischun nun es üna lingua unificheda. Illas differentas valledas s’haun sviluppos 5 idioms principels, minchün cun variantas pü grandas da val a val e pü pitschnas da lö a lö. Il pü grand idiom, il sursilvaun, vain druvo in sieu territori da var 18’000 persunas, il vallader da 6’500, il puter da 5’500, il surmiraun da 3’000 ed il sutsilvaun da ca. 1’100 persunas. I’l rest dal chantun do que ulteriuras 6000 persunas chi discuorran rumauntsch, uschè cha var 40’000 abitant(a)s dal Grischun (22% da la populaziun) sun da lingua rumauntscha. Aunch’üna vouta var 20’000 sun sparpaglios in tuot la Svizra. Que do ün totel da var 60’000 persunas, v.d. 0.8% da la populaziun svizra.

A Samedan discurrinsa puter, pü precis la varianta samedrina.